بلاغ للنائب العام ضد باسم يوسف بسبب «تدوينة» تيران وصنافير
تقدم الدكتور سمير صبري المحامي بالنقض والدستورية العليا ببلاغ الى النائب العام المستشار نبيل صادق ضد باسم يوسف لتطاوله علي السيسي والبرلمان بسبب تيران وصنافير.
قال صبري: باسم يوسف - الهارب خارج البلاد- وجه رسالة شديدة اللهجة للبرلمان الذي يناقش اتفاقية تبعية جزيرتي تيران وصنافير، منذ يوم الأحد الماضي، واصفًا رئيس المجلس د علي عبد العال بـ “المحنط”.
وكتب باسم في تدوينة له عبر “فيس بوك”: “ما فيش أي فايدة من كتابة العرائض ولا مناشدة البرلمان لأننا عارفين انكم برئيسكم المحنط عبد العال، جيتوا كراسيكم بتنسيق مع الاجهزة الأمنية وحتصوتوا على بيع الارض فما فيش فايدة نوجه كلامنا لزيكم مالهمش وزن”.
وأضاف: سيبكم بقى من بروباجندا الستينيات الخايبة بتاعة شرف العسكرية والأرض عرض ونحميها بدمنا وخليكم في اللي تفهموا فيه اكتر: سمسرة الأراضي، عمولات السلاح، والسيطرة على البيزنس، يا خونة.. وبطلوا تبعتوا ورايا ناس يعرضوا عليا أنى ارجع البلد عشان اعمل البرنامج على مزاجكم”.
واستكمل قائلا: وخليكم كده ساكتين يا اعلاميين.. يا عمرو اديب انت ولميس وخيري وابراهيم عيسى والابراشي ويوسف الحسيني وتامر امين واي إعلامي.. بيشوف الأرض بتتباع ومش بيفتح بقه، مش محتاج اتكلم عن الاوساخ اللي في ديل التطور الانساني زي احمد موسى او بكري لان دول يبيعوا ولادهم عادي، بس اللي عاملين فيها مهنيين وعقلانيين وهما بياخدوا اوامرهم زيهم زي غيرهم.
وقال صبري ان باسم يوسف شن هجوما لاذعًا على الرئيس عبد الفتاح السيسي بسيل من“الشتائم” المشينة، وكذلك الامر لمؤيديه، وذلك على صحفته الرسمية على الفيسبوك حيث كتب عن قضية تيران وصنافير وتمرير مجلس النواب الموالي للسيسي، التنازل عن الجزيرتين المصريتين للسعودية، وشملت “الشتائم” كلا من جنرالات الجيش المصري، والعاملين بالأجهزة الأمنية، ورئيس مجلس النواب، على عبد العال، ونواب البرلمان، والإعلاميين الموالين للسلطة، وجاء في التدوينة: ” انا عمري ما تخيلت اني اكتب كمية الشتايم دي بس عمري ما تخيلت اننا نبقى بالموات والسلبية وقلة الحيلة دي والارض بتتباع عادي، (شتيمة نابية)، يعني المفروض الاسبوع ده عادي جدا ان البرلمان بيناقش نسيب ارضنا لبلد تانية ولا لا؟ (شتيمة نابية ) المهانة والذل … بكرة نبيع سينا لاسرائيل ويطلع علينا (شتيمة نابية) اللي يؤكدوا أحقية اليهود في اسرائيل من ايام التيه وخروج سيدنا موسى وتطلع بنت عبد الناصر (شتيمة نابية) وتقول لقيت ورقة في كومودينو بابا بيقول دي بتاعتهم وتطلع (شتيمة نابية) نائبة الوادي الجديد تقولي اكدت لي المخابرات ان سيناء اسرائيلية ويطلع (شتيمة نابية) فاروق الباز ويقولك اصل فيه فالق جيولوجي يؤكد تبعية سينا لاسرائيل..
والتمس صبري في بلاغه بعد الاطلاع علي المستندات المرفقة إحالته للمحاكمة الجنائية العاجلة.
