والد زيزو: ميدو سبب تطفيش ابني.. واللعب للأهلي مش حرام!
والد زيزو: ميدو سبب تطفيش ابني.. واللعب للأهلي مش حرام!
هاجم مصطفى زيزو، والد أحمد سيد “زيزو” لاعب الزمالك، إدارة النادي بعد قرار تجميد نجله واستبعاده من مواجهة بطل جنوب أفريقيا، على خلفية توقيعه للأهلي.
وقال في تصريحات لبرنامج “ستاد المحور” مع خالد الغندور: “براحتهم.. ميدو ينزل يلعب مكان ابني، لأنه هو السبب في تطفيشه، وهو اللي بيدير النادي مش حسين لبيب”.
وأضاف: “ابني مش هينتحر عشان التجاهل، وطلب من شيكابالا يوصل صوته للإدارة لتجديد عقده، لكن محدش تحرك”.
وتابع: “لو مش عاوزين يجددوا أو يقدروه، يطلعوا يقولوا كده صراحة. اللعب للأهلي مش حرام، وأنا مش مطالب أعلن أي اتفاق.. احنا صبرنا كتير ومفيش شفافية”.
واختتم: “في ناس محترمة في المجلس زي هاني بيرزي وعمرو أدهم، لكن تم استبعادهم من ملف زيزو لأنهم رفضوا تسليمه للجماهير”.
