العزا مش في الكنيسة.. قصيدة لـ محمد حميدة

العزا مش في الكنيسة
والحداد مش في الجوامع
اللي فجر إيد خبيثة
إيد تفرق كل جامع
العزا في القلب مصري
والدموع ع الخد نيلي
الشوارع فارشة توبها
من سواد الليل وحالك
والعيال الفارشة توبها
ع التراب بينوح بحالك
الكنيسة في حضن جامع
واللي جامع بينا ياما
من سنين ع الأرض عشنا
نقتسم م الشمس نورها
تختمر ف القلب ضحكة
تنقسم بينا بتساوي
ايد تمد النور لغيرها
ايد تطبطب ع الغلابة
الديانة جوا منا
كلنا في الأصل مصري
اللي بيصلي في كنيسة
واللي ساجد جوا جامع.......